بابەت زانست بەرەو پێشدەبەین.
CMS كورتكراوه‌ی Content Management System. به‌رنامه‌یه‌كه یاخود نه‌رمه‌كاڵایه‌كه له‌سه‌ر ڕاژه (Server)،به‌كار دێت بو دروست كردن و به‌رێوه‌بردنی ناوه‌ڕۆكی وێب سایت.CMS ڕێگه به به‌ڕێوه‌به‌ری وێب سایت ده‌دات به ئاسانی گوڕانكاری له وێب سایت بكات و ناوه‌ڕۆكی نوێ بكاته‌وه.
هۆكاره‌كانی به‌كارهێنانی CMS :
یه‌كێك له‌هۆكاره‌كان بو دروست كردنی وێب سایتێكی گه‌وره و پڕ بینه‌ر ئه‌وه‌یه كه ڕۆژانه بابه‌ت و ناوه‌ڕۆكی نوێ زیادبكرێت و وێب سایت نوێ بكرێته‌وه.ئه‌گه‌ر بینه‌ر چه‌ند جارێك سه‌ره‌دانی وێب سایتێك بكات و بابه‌تی نوێ نه‌بێت ئه‌وا به‌م شێوه‌یه ئه‌م وێب سیاته بینه‌رانی له ده‌ست ده‌دات و چیتر سه‌ره‌دانی ناكه‌ن.
وه به به‌كارهێنانی CMS به‌ڕێوه‌به‌ری وێب سایت به ئاسانی ده‌توانێت گوڕانكاری له وێب سایت بكات و ڕووكاره‌كان نوێ بكاته‌وه‌بو ئه‌م مه‌به‌سته چیتر پێویست ناكات داوا له كۆمپانیه‌كانی دیزاین كردن و دروست كردنی وێب سایت بكه‌ن.به‌ڵكۆ به ئاره‌زووی خۆی ده‌توانێت گۆرانكاری له وێب سایت بكات.
دروست كردنی وێب سایت به CMS ئاسانه و تواناییه‌كی ئه‌وتو و شاره‌زاییه‌كی باشی پێویست نیه له پرۆگرام نووسی و كۆد نوسین.به‌هۆیه‌وه ده‌توانن به‌بێ كۆد نووسین وێب سایتێكی جوان و ڕێك و پێك و ته‌واو بزۆك دروست بكه‌ن.به‌ڵام بو دروست كردنی ڕووكار یان گوڕانكاری پێویسته هه‌ندێك شاره‌زایی هه‌بێت له HTML و CSS.
ئه‌گه‌ر CMS به‌كارده‌هێنی،باشتره هه‌ندێك شاره‌زایی له زمانی پرۆگرام نووسی وه‌ك PHP و زانیاری ده‌رباره‌ی شێوازه‌كانی پاڕاستنی وێب سایت له هه‌ك بون هه‌بێت.بو ئه‌وه‌ی بتوانی وێب سایتی خۆت بپارێزی له كه‌سانی تێكده‌ر،هه‌روه‌ها بتوانی كێشه‌كانی سیسته‌م چاره‌سه‌ربكه‌یت.
هه‌ندێك له تواناكانی CMS:
- به‌ڕێوه‌بردنی زانیارییه‌كانی به‌كارهێنه‌ران
- دروست كردنی وێب سایتێكی فره زمان
- دروست كردنی نه‌خشه‌ی بزۆك
- توانای گه‌ڕان له‌ناو بابه‌ت
- ڕێكخستنی وێنه‌كانی باركراو
- پاڕاستنی وێب سایت
- ئاماری بینه‌ران و ماڵپه‌ڕ
- دروست كردنی په‌ڕه
- دروست كردنی ڕووكار
- ئه‌رشیڤ كردنی بابه‌تی كۆن
چه‌ندین توانای تریان هه‌یه كه ئێمه لێره‌دا ته‌نیا باسی هه‌ندێكمان به پوختی كرد .
هه‌ندێك له به‌ناوبانگترین CMS:
وەرگیراوە لەماڵپەرى :
www.hengaaw.com/2017/05/14/cms
