شەونوێژ
شەونوێژ

شەونوێژ

گەورەى و پاداشتى شەونوێژ:

إن المتقين في جنات وعيون (15) آخذين ما آتاهم ربهم إنهم كانوا قبل ذلك محسنين (16)كانوا قليلا من الليل ما يهجعون (17) وبالأسحار هم يستغفرون (18).

واتە :به‌ڕاستی پارێزکارانیش له‌باخه‌کان و کانیاوه‌کانی به‌هه‌شتدا ژیانی خۆش ده‌به‌نه‌سه‌ر.(16)ئه‌و شتانه‌ی که‌په‌روه‌ردگار بۆی ئاماده‌کردون پێیان ده‌به‌خشێت، ئه‌وانه‌یش به‌خۆشی و شادیه‌وه وه‌ریده‌گرن، به‌ڕاستی ئه‌وانه‌پێشتر و شادیه‌وه وه‌ریده‌گرن، به‌ڕاستی ئه‌وانه پێشتر له‌دنیاداچاکه‌کارو چاکه‌خواز بوون….(17)له‌شه‌وگاردا زۆر که‌م ده‌خه‌وتن و ڕاده‌کشان (چونکه‌سه‌رگه‌رمی شه‌و نوێژ و ده‌ور کردنه‌وه‌ی قورئان و یادی خوا بوون)….(18)له‌به‌ره‌به‌یانه‌کانیشدا داوای لێخۆشبوونیان له‌په‌روه‌ردگاریان ده‌کرد (تا لێیان ببورێت)…

قال رسول الله (صلى الله عليه وسلم) : ( يا أيها الناس أفشوا السلام وأطعموا الطعام وصلوا الأرحام وصلوا بالليل والناس نيام تدخلوا الجنة بسلام).
.
واتە: ئەى خەڵکینە کاتێ گەیشتن بەیەک سڵاو لەیەکترى بکەن و دەستى هەژاران بگرن و صیلەى ڕەحم بەجێ بگەیەنن و شەونوێژ بکەن کاتێ خەڵک لەخەودان , ئەچنە بەهەشتەوە بەسەلامەتى.
.
عن أبي هريرة (رضي الله عنه) قال :قال رسول الله (صلى الله عليه وسلم )أفضل الصيام بعد رمضان شهر الله المحرم وأفضل الصلاة بعد الفريضة صلاة الليل.

واتە : باشترین رۆژوو دواى رۆژووى مانگى رەمەزان رۆژووى مانگى موحەرەمە , وە باشترین نوێژ دواى نوێژى فەرزەکان شەو نوێژە.

عن أنس قال : كان النبي (صلى الله عليه وسلم) إذا اجتهد لأحد في الدعاء قال : جعل الله عليكم صلاة قوم أبرار ، يقومون الليل ، ويصومون النهار ، ليسوا بأثمة ولا فجار .

واتە : خواى گەورە لە نوێژى ئەو کەسە چاکانەتان بەنسیب بکات کە بەشەوان شەو نوێژ دەکەن و بەرۆژیش  رۆژوو دەگرن , کە ئەوانە کەسانى تاوانکاروو گوناهبار نین.

قال رسول الله صلى الله عليه وعلى آله وسلم: (رحم الله رجلا قام من الليل فصلى وأيقظ امرأته فصلت، فإن أبت نضح في وجهها الماء، رحم الله امرأة قامت من الليل فصلت وأيقظت زوجها، فإن أبى نضحت في وجهه الماء)

واتە :بەزەى خوا لەو پیاوەى شەو هەستاوە بۆ شەو نوێژ و ژنەکەشى هەستاندەوە نوێژى بکات , جا ئەگەر هەڵنەستابێ ئاوى پرژاندوە بە روخساریدا , وەرحمەتى خوا لەو ژنەى شەو هەستاوە شەونوێژى کردوە و پیاوەکەشى هەستاندەوە بۆ نوێژکردن , جا ئەگەر نەى ویستبێ هەستێ ئاوى پرژاندوە بە روخساریدا.

وروى الحاكم في المستدرك أن النبي ﷺ قال: «أتاني جبريل فقال: يا محمد، عش ما شئت فإنك ميت، وأحبب من شئت فإنك مفارقه، واعمل ما شئت فإنك مجزي به، واعلم أن شرف المؤمن قيامه بالليل، وعزه استغناؤه عن الناس» حسنه الألباني في صحيح الجامع.

واتە : جبرئیل هات بۆلام پێى وتم ئەى محمد چەندى حەزت لێیە بژە بەلام هەردەبێت بمریت , کێت خۆشدەوێت دەبێت لێى جیاببیتەوە چونکە دەبێت هەر بمریت , کار بکە پاداشتى وەردەگریتەوە , وە بزانە شەرەف و پلەو پایەى بڕوادار شەو نوێژەکەیەتى , وەشکۆمەندى و سەربەرزیشى لە بێنازبوونیەتى لەوەى لەدەست خەلکیدایە.

وعن أبي أمامة -رضي الله تعالى عنه- قال: قال رسول الله صلى الله عليه وسلم:  عليكم بقيام الليل، فإنه دأب الصالحين قبلكم، وإن قيام الليل، قربة إلى الله، ومنهاة عن الإثم، وتكفير للسيئات.

واتە : پێویستە لەسەرتان شەو نوێژ بکەن , چونکە ڕەفتارى پیاو چاکانى پێش ئێوەیە  وە نزیک بوونەوەیە لەخواى باڵادەست و هەروەها ڕێگرە لە تاوانکردن و سڕەرەوەى گوناهەکانە.

عن عائشة أن رسول الله – صلى الله عليه وسلم – قال : ” ما من امرئ تكون له صلاة بليل يغلبه عليها نوم إلا كتب له أجر صلاته ، وكان نومه عليه صدقة ” .

واتە : هیچ کەسێک نیە ڕاهاتبێت لەسەر شەو نوێژ و لەنیەتى دابوبێت بیکات بەڵام خەو بەسەریدا زاڵ بوبێت مۆلەتى نەدابێت ئەوە خواى گەورە پاداشتى نوێژەکەى بۆ دەنوسێ و خەوەکەشى بۆ دەگێرێ بە خێرو چاکە.

قال رسول الله صلى الله عليه وسلم : “من أتى فراشه و هو ينوي أن يقوم يصلي من الليل فغلبته عينه حتى يصبح كتب له ما نوى و كان نومه صدقة عليه من ربه . ”

واتە : هەرکەسێ بڕواتە پێخەفى نووستنى و نیازى هەبێت کە هەستێ بۆ شەو نوێژ و خەوو زالبێ بەسەریدا هەتا  نویژى بەیانى دەبێت , ئەوە خواى باڵادەست بەنیازەکەى بۆى تۆمار دەکات , وە خەوەکەشى بۆ دەبێتە بەخششێکى خوایی.

قال (صلى الله عليه وسلم)  من استيقظ من الليل وايقظ امراته فصليا ركعتين جميعا كتبا ليلتئذ من الذاكرين الله كثيرا والذاكرات.

واتە : هەرکەسێ شەو هەستێ و ژنەکەشى بەخەبەر بێنێ پێکەوە دوو رکات شەو نوێژ بکەن , خواى میهرەبان لەو شەوەدا لە کۆمەڵى (پیاو و ژنانەیان) حیسابیان دەکات کە زۆر یادى خودا دەکەن.

عن عبد الله بن عمرو بن العاص رضي الله عنهما قال: قال لي رسول الله( صلى الله عليه و سلم( يا عبد الله لا تكن مثل فلان كان يقوم الليل فترك قيام الليل )

واتە : ئەى( عبدالله )وەک فلانەکەسە مەبە جاران هەلدەستا بۆ شەو نوێژ دوایی وازى لێهێنا.

عن عبدالله بن عمرو بن العاص -رضي الله عنه- قال” قال رسول الله -صلى الله عليه وسلم – :”من قام بعشر آيات لم يكتب من الغافلين , ومن قام بمائة آية كتب من القانتين , ومن قام بألف آية كُتب من المقنطرين “.

واتە : هەرکەسێ هەستێ بۆ شەو نوێژ و (10 )دە ئایەت بخوێنێ ئەوە لە پێر و کۆمەلى بێ ئاگایان نانوسرێ , وە هەرکەسێ سەد(100) ئایەت بخوێنێ لە کۆمەڵى قانتین واتە نزاخوانان دەنوسرێ , وەهەرکەسێ هەزار( 1000) هەزار ئایەت بخوێنێ لە کۆمەڵى خاوەن سەرمایە گەورەکان و چاکە گەورەکان دەنوسرێ.

عن علي قال: قال رسول الله صلى الله عليه وسلم: ( أوتروا يا أهل القرآن! فإن الله وتر يحب الوتر )

واتە : ئەى ئەهلى قورئان نوێژى وەتر بکەن , چونکە خواى گەورە تاکە و نوێژى تاکى (وەتر)ى خۆشدەوێت.

عن أبي هريرة ، قال: أوصاني خليلي (صلى الله عليه وسلم )بثلاث، لا أدعهن حتى أموت: صيام ثلاثة أيام من كل شهر، وصلاة الضحى، ونوم على وتر.

واتە: ابو هورەیرە (رضى الله عنه) دەفەرموێت دۆست وخۆشەویستى خۆم (صلى الله علیه وسلم) سێ ئامۆژگارى بۆکردم بە سێ شت .کە تاکو مردن وازیان لێ ناهێنم , سێ رۆژ ى سونەت لە هەموو مانگێک بەرۆژووبم وە نوێژى چێشتەنگاو(ضحى) یشبکەم  وە پێش ئەوەى بنوم نوێژى (وەتر) بکەم.

ژمارەى رکاتەکانى شەو نوێژ:

عن مالك عن نافع عن ابن عمر قال أن رجلا سأل رسول الله (صلى الله عليه وسلم) عن صلاة الليل فقال (رسول الله صلى الله عليه وسلم ):صلاة الليل مثنى مثنى فإذا خشي أحدكم الصبح صلى ركعة واحدة توتر له ما قد صلى.

واتە : شەو نوێژ دوو رکات دوو رکاتە , جا یەکیکتان ترسا لەوەى نوێژى بەیانى نزیکە بایەک رکات بکات و بەتاک کۆتایی بە نوێژکردن بێنێت.

عن عائشة رضي الله عنها قالت كان رسول الله -صلى الله عليه وسلم- إذا قام من الليل ليصلي افتتح صلاته بركعتين خفيفتين.

واتە :پێغەمبەرى خودا (صلى الله علیه وسلم)  کاتێ هەلدەستا بۆ شەو نوێژ بەدوو رکات نوێژى سادە و خێرا نویژەکانى دەست پێدەکرد.

عن ابن عباس عن النبي (صلى الله عليه وسلم) قال :صلاة الليل مثنى مثنى و الوتر ركعة من آخر الليل.

واتە : شەو نوێژ دوو رکات دوو رکاتە , تاک وەتریش یەک رکاتە لەکۆتاى شەودا.

عن أبي سلمة بن عبد الرحمن بن عوف أنه سأل عائشة زوج النبي (صلى الله عليه وسلم) كيف كانت صلاة رسول الله (صلى الله عليه وسلم )في رمضان فقالت ما كان رسول الله صلى الله عليه وسلم يزيد في رمضان ولا في غيره على إحدى عشرة ركعة يصلي أربعا فلا تسل عن حسنهن وطولهن ثم يصلي أربعا فلا تسل عن حسنهن وطولهن ثم يصلي ثلاثا قالت عائشة فقلت يا رسول الله أتنام قبل أن توتر فقال يا عائشة إن عيني تنامان ولا ينام قلبي. رواه البخاري ومسلم

واتە: عبدالرحمان دەڵێ پرسیار كرا لە عائیشە كە نوێژی پەیامبەر ﷺ لە ڕەمەزاندا چۆن بووە وتی پەیامبەر ﷺ نە لە ڕەمەزاندا و نە لە كاتی تردا یانزە(11) ڕكاتی زیاتری نەكردووە , چوار ڕكاتی دەكرد پرسیار لە جوانی و درێژیان مەكە دوای ئەوە چواریتری دەكرد پرسیاریش لە جوانێتی و درێژیان مەكە دوای ئەوە سێ ڕكاتی دەكرد، عائیشە دەڵێ وتم ئەی پەیامبەری خوا ﷺ ئایا پێش ئەوەی وەتر بكەیت دەخەویت فەرمووی ئەی عائیشە چاوەكانم دەخەون بەڵام دڵم ناخەوێت.

عن عروة أن عائشة أخبرته : أن رسول الله (صلى الله عليه وسلم )كان يصلي ثلاث عشرة ركعة بركعتي الفجر.

واتە: پێغەمبەرى خودا (صلى الله علیه وسلم) شەوانە سیانزە رکات نوێژى دەکرد , لەوانە نوێژى وەتر و دوو رکات سوننەتى پێش نوێژى بەیانیشى دەکرد.

عن ابن عباس رضي الله تعالى عنهما قال: كان رسول الله (صلى الله عليه وسلم )يصلي ركعتين ركعتين، ثم ينصرف، فيستاك..

واتە: پێغەمبەرى خودا (صلى الله علیه وسلم) شەوانە دووڕکات دووڕکات شەو نوێژى دەکرد و پاشان کەلێ دەبووە وە سیواکى دەکرد.

عن أبي هريرة ، عن النبي ﷺ قال: لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام، إلا أن يكون في صوم يصومه أحدكم.

واتە : لەناو شەوەکان شەوى هەینى تایبەت مەکەن بۆ شەو نوێژ , وە لەناو رۆژەکانیش رۆژى هەینى تایبەت مەکەن بۆ رۆژوو گرتن , مەگەر لە رۆژوویەک کە پێشتر لەسەرى بەردەوام بوبن.

تێبینى : مەبەست لە رۆژویەکە کە پێشتر لەسەرى بەردەوام بوبن لەسەرى یان رۆژو سونەتەکان نمونە رۆژگرتنى داودى کە رۆژ نا رۆژێک بەرۆژوو بیت وە جارى واهەیە رۆژوەکە دەکەویتە رۆژى هەینى .

عن أبي أيوب الأنصاري رضى الله عنه: كان رسول الله (صلى الله عليه وسلم) إذا تهجد يسلم بين كل ركعتين .

واتە : پێغەمبەر (صلى الله علیه وسلم)  شەو نوێژى بکردایە لەنێوان هەردوو رکات سەلامى دەدایەوە , یانى دوو رکات دوورکات شەو نوێژى دەکرد وە بەیەک رکات کۆتاى دەهێنا.

واز نەهینان لە شەونوێژ:

عن عائشة رضي الله عنها قالت:كان إذا نام من الليل أو مرض صلى من النهار اثنتي عشرة ركعة.

واتە : پێغەمبەرى خودا (صلى الله علیه وسلم)  کاتێ شەو خەبرى نەبوایەتەوە یان نەخۆش بوایە لە رۆژەکەیدا دوانزەرکات نوێژى دەکرد .

تێبینى: ئەم دوانزە رکاتەش لەکاتێ کەخۆر بەرز دەبێتەوە کاتەکەیەتى تاکو سەعاتێک پێش نوێژى نیوەرۆ.

عن” عبدالله بن أبي قيس ” قال : قالت ” عائشة” رضي الله عنها : ” لاتدع قيام الليل !!
فإن رسول الله صلى الله عليه وسلم كان لا يدعه (أي لا يتركه) ، وكان إذا مرض أو كسل صلى قاعدا

واتە : عائیشە رضی الله عنها بە عبدالله ى کورى قەیس ووت : پێغەمبەرى خودا (صلى الله علیه وسلم)  هەرگیز شەو نوێژى واز لێنەدەهێنا , وەئەگەر جارێ نەخۆش بوایە یان ماندووبوایە و نەیتوانیایە بە دانیشتنەوە دەیکرد.

وعن عائشة رضي الله عنها قالت:” كان النبي (صلى الله عليه وسلم )يقوم من الليل حتى تتفطر قدماه فقلت له لم تصنع هذا يا رسول الله وقد غفر لك ما تقدم من ذنبك وما تأخر قال:” أفلا أكون عبدا شكورا

واتە : دایکە عائیشە رضی الله عنها دەفەرموێت : پێغەمبەرى خودا (صلى الله علیه وسلم) شەو شەونوێژى دەکرد تاکو جارى واهەبووە بەرى پێەکانى ئەستور دەبوو منیش پێم دەووت بۆ وادەکەیت ئەى خودا لە رابردوو داهاتوشت خۆش نەبووە , پێغەمبەرى خودا (صلى الله علیه وسلم) پێى ووتم ئەى نابێت بەندەیەکى شوکرانە بژێر بم و سوپاسى خودا بکەم لەسەر ئەم لێخۆشبوونەى.

کاتى شەونوێژ :

أخبرنا أبو خيثمة عن أبي إسحاق قال: ( سألت الأسود بن يزيد عما حدثته عائشة عن صلاة رسول الله (صلى الله عليه وسلم )قالت: كان ينام أول الليل ويحيي ءاخره.

واتە: پێغەمبەرى خودا (صلى الله علیه وسلم) سەرتاى شەو دەنووست و کۆتایەکەى زیندوو دەکردەوە بەشەو نوێژ.

عن أبي مسعود عقبة بن عمرو عن النبي (صلى الله عليه وسلم ) أنه كان يوتر من أول الليل وأوسطه وآخره‏.‏

واتە: پێغەمبەرى خودا (صلى الله علیه وسلم) نوێژى وترى لەسەرەتاى شەو و ناوەراست و کۆتایەکەى کردوە , کەواتە لەدواى نوێژى عیشا سەرەتاى دەست پێکردنى شەو نوێژە تاکو پێش نوێژى بەیانى ئەمە کاتەکەیەتى لە هەرکات بیکەت تەواوە.

چۆن کۆتاى بە شەونوێژ بهێنین:

عن ابن عمر رضي الله عنهما عن النبي صلى الله عليه وسلم قال: اجعلوا آخر صلاتكم بالليل وترا.

واتە: پێغەمبەرى خودا (صلى الله علیه وسلم) دەى فەرموو با کۆتا نوێژتان لەشەوو بە تاک کۆتاى بێت پێش ئەوەى بانگى نوێژى بەیانى بدات.

عن عبدالله بن عمرو رضي الله عنهما: (إن الله زادكم صلاة فحافظوا عليها، وهي الوتر)

واتە: پێغەمبەرى خودا (صلى الله علیه وسلم) دەفەرموێت : خوداى گەورە نوێژێکى بۆ زیاد کردوون دەى پارێزگارى لێبکەن ئەویش شەونوێژى وەترە , مەبەست لەنوێژە سونەتەکانە لەم فەرمودەیە .

عن سعد بن أبي وقاص، أنه كان يوتر بعد العشاء بركعة، ويقول: سمعت النبي – صلى الله عليه وسلم- يقول: ” الذي لا ينام حتى يوتر حازم “.

واتە :  سعدى کورى ابى وەقاس( رضى الله عنه )وەترى دەکرد لەدواى نوێژى عیشا و کۆتاى پێدەهێنا بەیەک رکات وە دەفەرموێت گوێم لە پێغەمبەر بوو (صلى الله علیه وسلم) دەى فەرموو :ئەوکەسەى ناخەوێ تا نوێژى وەتر نەکات ئەوە کەسێکى ورە بەرزە.

عن جابر بن عبدالله رضي الله عنهما قال قال رسول الله صلى الله عليه وسلم” من خاف أن لا يقوم من آخر الليل فليوتر أوله ومن طمع أن يقوم آخره فليوتر آخر الليل ، فإن صلاة آخر الليل مشهودة ، وذلك أفضل

واتە : هەرکەس ترسا لەوەى ناتوانێ کۆتایی شەو هەستێ بالەسەرتاوە وترەکەى بکات , وەهەرکەس متمانەى بەخۆى هەبوو کە کۆتایی شەو هەلدەستێ با وترەکەى  بخاتە کۆتاییەوە , چونکە نوێژى کۆتایی شەو شایەتى لەسەر دراوە و باشترە.

عن أبى سعيد الخدرى قال : قال رسول الله صلى الله عليه وآله وسلم : ( من نام عن وتره أو نسيه فليصله إذا ذكره )

واتە : هەرکەس خەوی لێ کەوت و نوێژى وەترى نەکرد یان یادى چوو با هەرکات هاتوە یادى یەکسەر بکات.

عن زيد بن أسلم عن رسول الله صلى الله عليه وآله وسلم : ( من نام عن وتره ، فليصل إذا أصبح )

واتە : هەرکەس خەوت و نوێژى وەترى نەکرد با بەیانى کە هەستا بیکات.

عن ابن عمر، عن النبي – صلى الله عليه وسلم -، قال : ((صلاة المغرب وتر النهار ، فاوتروا صلاة الليل ))

واتە : نوێژى مەغریب وەترى رۆژە و بۆ شەو نوێژێیش وەتر بکەن.

طلق بن علي، عن النبي – صلى الله عليه وسلم – أنه قال: “لا وتران في ليلة

واتە : لەیەک شەودا دوو نوێژى وەتر نیە .

تێبینى : مەبەست لەوەیە کەسێ نوێژى وەترى کردبێ و پاشان هەستێ شەو نوێژ بکات , ئەوە مادەم پاش وەترەکە خەوتبێ و پاشان هەستابێ نابێ وەترەکە دووبارە بکاتەوە.

++++++

هەموو ئەو فەرمودانەى لەم بابەتە هاتوون هەمووى صحیح و پەسەندکراون لەلایەن ئیمامەکانى فەرموودە ناس.

——-

ئامادەکردن و رێکخستن : بەرێوەبەر.

پێشنیارکراو

سه‌د و پازده‌ ( 115 ) پرسیار و وه‌ڵامی شه‌رعی تایبه‌ت به‌ ئافره‌تان

سه‌د و پازده‌ ( 115 ) پرسیار و وه‌ڵامی شه‌رعی تایبه‌ت به‌ ئافره‌تان وەڵام دراونەتەوە …