دەستپێک / پەڕە نەگۆڕەکان / جل وبەرگى شەرعى ئافەرتان و مەرجەکانى
جل وبەرگى شەرعى

جل وبەرگى شەرعى ئافەرتان و مەرجەکانى

مەرجەکانى پۆشاکى شەرعى ئەى خوشکى موسڵمانم:

زانایان (أهل العلم) هەشت مەرجیان بۆ پۆشاکى ئیسلام داناوە , پێویستە لەسەرى سوربی و لەبەرى بکەیت و کارى پێبکەیت , کە لەم خاڵانەى خوارەوەدا کۆدەبنەوە :

یەکەم : پێویستە ئەم پۆشاکە هەموو لەش دابپۆشێت بێ هەڵاوێردنى هیچ شوێنێک (دەم وچاو و هەردوو دەست و هەردووپێ و هەردوو قۆڵەکان ) کە عەورەتن دەبێ دابپۆشرێن.

دووەم : نابێ ئەو پۆشاکە بۆ خۆڕازاندنەوەبێ , وەک بڵێى ڕازاوەو ڕەنگاو ڕەنگى سەرنج ڕاکێش بن وە نابێت بە داوى زێرین و بریقەدار چێنرابن.

سێهەم : پێویستە پۆشاک ئەستوربێت و تەنک و تیوار و روت نەبێت لەشى تێڕادیاربێت.

چوارەم : نابێ پۆشاک تەسک بێت و ئەندامەکانى لەش دەرپەرێنێت و وێناى شوێنە فیتنەکان بکات و دەبێ جلەکان بەرین وفراوان بێت و بەلەشەوە نەنوسێت.

پێنجەم : نابێ جل وبەرگەکان بۆندارو ڕازاوەو بۆن خۆشبن , وە ماناى ئەوەنیە کە نابێ پاک بێت دەبێ موسڵمان پاک وخاوین بێت.

شەشەم : نابێ پۆشاکى ژنان بەپۆشاکى پیاوان بچێت , واتە نابێ لە قوماشى پیاوان و لەشێوەى پیاوانە بدورێت جلى پیاوانە لەبەر بکات.

حەوتەم : نابێ پۆشاکى ژنان و ئافەرتانى موسڵمان لە پۆشاکى ژنانى کافر بچێت و لەشێوەى ئەوان بدورێن و کورت و تەسک وڕوت بن.

هەشتەم : نابێ ئەو پۆشاکەى لەبەرى دەکەن پۆشاکێکى بەناوبانگ و دەگمەن و ڕازاوەبن و خۆیان پێوەبابدات و شانازى و لەخۆ بایی بون و گەزافیان پێوە لێبدات , هەروەک پێغەمبەر (صلى الله علیه وسلم) فەرموویەتى : (من لبس لباس شهرة ألبسه الله ثوب مذلة يوم القيامة ثم ألهب فيه نارا)رواه ابوداود.

واتە : هەرکەسێک جل وبەرگێک لەبەر بکات بۆ خۆهەڵکێشان و گزاف و ناو ناوبانگ ئەوا خودا لە دواڕۆژ جل وبەرگى سەرشۆرى لەبەردەکات و فرێدەداتە ئاگر.

-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-

الفقهی ئافرەتان : وەرگێران و لەسەر نوسینى : ئەحمەد میرزا ڕۆستەمى ژێرو .

پێشنیارکراو

مانگى رەمەزان

چەند پلانێك بۆ بەڕێكردنى مانگى ڕەمەزان بەجوانترین شێوە

بسم الله الرحمن الرحيم : موسوڵمانانى بەڕێز وا ئەمساڵیش ڕەمەزانى پیرۆز بوو بە میوانمان، هەموشمان …